Oʻzbekistonda pedagoglarning farzandlariga davlat OTMlarida kontrakt uchun 30 foizlik chegirma tasdiqlandi

Chora 2026/2027-oʻquv yilidan boshlab amal qila boshlaydi. Imtiyoz davlat oliy taʼlim muassasalarining kunduzgi taʼlim shakli bakalavriat talabalari — ham yangi qabul qilinganlar, ham oʻqishni davom ettirayotganlar uchun moʻljallangan. Oilada bir nechta talaba farzand taʼlim olayotganda, chegirma hech qanday miqdoriy cheklovlarsiz ularning har biri uchun alohida hisoblanadi.

Arizalarni topshirish kontrakt.edu.uz xizmati orqali elektron shaklda tashkil etiladi. Pedagog xodim maqomi va qarindoshlik aloqalari "Raqamli hukumat" tizimining integratsion platformasi orqali tekshiriladi. Ariza ikki ish kuni ichida koʻrib chiqiladi, shundan soʻng chegirma oʻquv yili uchun bir marta avtomatik ravishda taqdim etiladi. Ota-onaning pedagogik faoliyati toʻxtatilgan taqdirda, imtiyoz keyingi oʻquv yilidan boshlab oʻz kuchini yoʻqotadi.

Qoida nodavlat OTMlarda, xorijiy taʼlim muassasalari va ularning respublikadagi filiallarida, oliy harbiy va harbiylashtirilgan muassasalarda oʻqishga tatbiq etilmaydi. Bundan tashqari, chegirma qoʻshma taʼlim dasturlari, hamkor xorijiy OTMlar fakultetlari, shuningdek, qoʻshimcha va tabaqalashtirilgan kontrakt uchun amal qilmaydi.