Toshkent aeroportida doʻkon va ofis uchun maydonlar auksionga qoʻyildi

Eng yirik lot xalqaro uchib kelish terminalidagi kundalik ehtiyoj mollari boʻyicha kecha-yu kunduz ishlaydigan tarmoq doʻkoni uchun moʻljallangan. Boshlangʻich yillik stavkasi 433,68 mln soʻm boʻlgan 139 kvadrat metr maydon ikki yilga ijaraga taklif etilmoqda. Ishtirokchilarga Oʻzbekistonda chakana savdo sohasida kamida besh yillik ish tajribasiga ega boʻlish talabi qoʻyilgan.

Ruxsatnomalar byurosi binosida ikkita hudud savdoga qoʻyilgan: uchta vending avtomati uchun boshlangʻich ijara narxi 36 mln soʻm boʻlgan ikki kvadrat metr hamda boshlangʻich bahosi 12 mln soʻm boʻlgan bankomat uchun bir kvadrat metr maydon. Bankomat oʻrnatishga bank litsenziyasiga va ikki yildan ortiq ish tajribasiga ega tuzilmalar daʼvogarlik qilishi mumkin. Ushbu uchta obyekt boʻyicha savdolar 2026-yil 2-oktyabrga belgilangan.

Toʻrtinchi lot — uchib ketish terminalining uchinchi qavatida joylashgan, aviakompaniya vakolatxonasi uchun moʻljallangan 25 kvadrat metrli ofisdir. Xona bir yil muddatga uzaytirish imkoniyati bilan ijaraga beriladi, boshlangʻich narxi 300 mln soʻmni tashkil etadi. Auksion 2026-yil 9-oktyabrga rejalashtirilgan.