Oʻzbekiston transport vaziri Pekindagi GSTF forumida ishtirok etdi

Forum ishtirokchilari transport tizimlarini barqaror rivojlantirish, xalqaro logistika aloqalarini mustahkamlash, shuningdek, xavfsiz va samarali yoʻnalishlarni yaratish masalalarini koʻrib chiqdilar. Kun tartibiga «yashil» transportga oʻtish, sunʼiy intellekt va zamonaviy texnologiyalarni joriy etish, infratuzilmani transformatsiya qilish hamda aholining transport xizmatlaridan keng foydalanishini taʼminlash mavzulari kiritildi.

Forum doirasida yoʻnalish boʻylab joylashgan davlatlarning sohaviy idoralari, xalqaro tashkilotlar va yirik kompaniyalar vakillari ishtirokida Transkaspiy xalqaro transport koridori boʻyicha yuqori darajadagi uchrashuv boʻlib oʻtdi. Tomonlar Osiyo va Yevropa oʻrtasidagi koridor salohiyatini oshirish, infratuzilmani rivojlantirish, jarayonlarni raqamlashtirish va tashuvlar samaradorligini oshirish masalalarini muhokama qildilar.

Uchrashuvda temir yoʻl va avtomobil tashuvlarini soddalashtirish, port infratuzilmasidan foydalanish, bojxona rasmiylashtiruvini optimallashtirish, multimodal yoʻnalishlarni rivojlantirish va logistika xarajatlarini qisqartirishga alohida eʼtibor qaratildi.