Toshkent: 2026-yil boshidan beri yoʻlkira haqini toʻlamaganlik uchun 146,5 ming bayonnoma

Bayonnomalar Maʼmuriy javobgarlik toʻgʻrisidagi kodeksning 144-moddasi boʻyicha tuzilmoqda. Yanvar–oktabr oylarida ularning soni 138 780 taga yetgan, shundan 25 596 tasi oktabr oyiga toʻgʻri keladi, yaʼni oʻn oylik yakunning 18,4 foizini tashkil etadi.

Idora maʼlumotlariga koʻra, avgustda 10 843 ta, sentabrda — 20 286 ta, oktabrda — 25 596 ta bayonnoma yozilgan. Noyabrning dastlabki toʻqqiz kunida 7 757 ta bayonnoma rasmiylashtirilgan boʻlib, bu oʻrtacha sutkasiga qariyb 862 tani tashkil qiladi.

Poytaxtda ayni paytda kuchaytirilgan nazorat-reyd tadbirlari olib borilmoqda. Avtobuslarda toʻlov amalga oshirilganligini «Toshkent shahar yoʻlovchi tashish monitoringi va nazorati» davlat muassasasi nazoratchilari tekshirmoqda, qoidabuzarliklar aniqlangan taqdirda bayonnomalarni ham ularning oʻzi rasmiylashtirmoqda. Shu bilan birga, yoʻlovchilarga elektron toʻlov tizimidan qanday foydalanish kerakligi tushuntirilmoqda.

Transport vazirligida yoʻlovchilarni jamoat transportidan foydalanish qoidalariga rioya qilishga va safarlar uchun oʻz vaqtida toʻlov qilishga chaqirishdi.