Sony sun'iy intellekt yordamida PlayStation'ni avtomatik ta'mirlash tizimini patentladi

Patent hujjatlariga ko'ra, SI-server ulangan qurilmalarni kuzatishi va kelib tushayotgan diagnostika ma'lumotlarini tahlil qilishi kerak. Nosozlik aniqlanganda tizim proshivkani tekshirish yoki tuzatish uchun tezda shaxsiy dasturiy kod yaratishga hamda foydalanuvchining qo'llab-quvvatlash xizmatiga murojaat qilishi zaruratisiz uni konsolga yuborishga qodir bo'ladi. Agar avtomatik bartaraf etishning imkoni bo'lmasa, hisobot kompaniya muhandislariga yo'naltiriladi.

Hujjatlarda ta'kidlanishicha, taklif etilgan yondashuv kafolat bo'yicha murojaatlar sonini va servis xizmatiga tushadigan yuklamani kamaytirishga qaratilgan. Shuningdek, patent ushbu tizimni Sony brendining boshqa qurilmalari, jumladan televizorlar, kameralar va quloqchinlar uchun ham qo'llash imkonini beradi.

Shu bilan birga, Sony'ning to'lov vositachisi vazifasini bajaruvchi o'yin kontrolleri bo'yicha patent arizasi e'lon qilingani ma'lum bo'ldi. Texnologiya karta ma'lumotlarini qo'lda kiritmasdan raqamli do'kondan o'yinlar va qo'shimchalarni sotib olish uchun yaqin atrofdagi smartfondan to'lov rekvizitlarini olishni tavsiflaydi.

Patent arizalarining topshirilgani va ro'yxatdan o'tkazilgani kompaniyaning ushbu funksiyalarni mavjud yoki bo'lajak qurilmalarda joriy etish niyatida ekanini tasdiqlamaydi.