Toshkent va Samarqandda 28–29-sentabr kunlari V Inson huquqlari forumi boʻlib oʻtadi

Tadbir mavzusi Inson huquqlari toʻgʻrisidagi xalqaro paktlarning 60 yilligi va Taraqqiyot huquqi toʻgʻrisidagi deklaratsiyaning 40 yilligiga bagʻishlangan. Tashkilotchilar turli mamlakatlardan ekspertlar, olimlar, xalqaro tashkilotlar, davlat organlari, inson huquqlari boʻyicha milliy institutlar va fuqarolik jamiyati vakillari ishtirok etishini kutmoqda.

Forumning oʻtkazilishi BMT hujjatlarining yubileylariga bagʻishlangan. BMT Bosh Assambleyasi Fuqarolik va siyosiy huquqlar toʻgʻrisidagi xalqaro pakt hamda Iqtisodiy, ijtimoiy va madaniy huquqlar toʻgʻrisidagi xalqaro paktni 1966-yil 16-dekabrda qabul qilgan. Taraqqiyot huquqi toʻgʻrisidagi deklaratsiya esa inson va xalqlarning rivojlanishda ishtirok etish va uning natijalaridan foydalanish huquqini mustahkamlagan.

Tadbir Prezidentning 2026-yil 16-fevraldagi «Mahalla va butun jamiyatni rivojlantirish yili»da «Oʻzbekiston — 2030» strategiyasini amalga oshirish boʻyicha davlat dasturi toʻgʻrisidagi farmoni doirasida oʻtkazilmoqda. Uchrashuvlar yakunlari boʻyicha inson huquqlari sohasidagi xalqaro hamkorlikka oid taklif va tavsiyalar ishlab chiqilishi rejalashtirilgan.