Oʻzbekistonda ish joyidagi zoʻravonlik va tazyiqlar boʻyicha shikoyat portali ishga tushiriladi

Oʻzbekiston Prezidenti 21-sentabr kuni xavfsiz va hurmatga asoslangan ish muhitini shakllantirish chora-tadbirlari toʻgʻrisidagi qarorni imzoladi. Dastur davlat organlari va tashkilotlarida, davlat ulushi 50 foiz va undan ortiq boʻlgan kompaniyalarda bosqichma-bosqich joriy etiladi, soʻngra boshqa mulkchilik shaklidagi korxonalarga ham tatbiq qilinadi.

Portal Boshqaruv samaradorligi agentligi tuzilmalarida yaratilmoqda. Xizmat onlayn murojaatlarni topshirish, dalillarni toʻplash va tekshiruv natijalarini maʼlumotlarni yoʻq qilish imkoniyatisiz qayd etish imkonini beradi. Agar shikoyat tizim uchun masʼul xodim yoki rahbariyat ustidan berilgan boʻlsa, u avtomatik tarzda yuqori turuvchi organga yuboriladi. Maʼmuriy huquqbuzarlik yoki jinoyat alomatlari aniqlanganda, murojaatlar "112" yagona dispetcherlik xizmati orqali taqdim etiladi.

Boshqaruv samaradorligi agentligiga aniqlangan qonunbuzilishlar holatlari boʻyicha koʻrib chiqilishi majburiy boʻlgan taqdimnomalar kiritish huquqi berilmoqda. Bundan tashqari, davlat organlarining mehnat jamoalariga jinsiy yoki jismoniy zoʻravonlik hamda jinsiy shilqimlik mehnat majburiyatlarini bir marta qoʻpol ravishda buzish, ruhiy tazyiq, kamsitish va shikoyat bergani uchun taʼqib qilish esa mehnat intizomini buzish deb hisoblanishi mumkinligini ichki qoidalarda mustahkamlash tavsiya etildi.