Oʻzbekistonda 12 nafar bloger reklama toʻgʻrisidagi qonunni buzgani uchun jazolandi

Qonunbuzarliklar ijtimoiy tarmoqlarni monitoring qilish jarayonida aniqlandi. Qoʻmita 110 nafar blogerdan iborat roʻyxat shakllantirgan va ularning sahifalarida joylashtirilayotgan reklamalarni «Reklama toʻgʻrisida»gi qonunga muvofiqligi boʻyicha har kuni tekshirib bormoqda. Jazolangan blogerlarning ism-shariflari, qonunbuzarliklar mazmuni va jazo choralari miqdori xabarda keltirilmagan.

Blogerlardan tashqari, idora taniqli xonandalar, aktyorlar, aktrisalar va sportchilarning reklama postlarini ham kuzatib bormoqda. Ular ham monitoring roʻyxatiga kiritilgan boʻlib, ularning ijtimoiy tarmoqlardagi sahifalari muntazam tekshirilmoqda.

Qoʻmitada qonun talablari reklama bozorining barcha ishtirokchilari: reklama beruvchilar, reklama tarqatuvchilar, blogerlar va mashhurlar uchun majburiy ekani eslatib oʻtildi. Ularning barchasi maʼlumotlarning toʻgʻriligi uchun javobgardir, reklama esa isteʼmolchilarni chalgʻitmasligi hamda ularda tovarlar va xizmatlar haqida notoʻgʻri tasavvur uygʻotmasligi kerak. «Qonunni bilmaslik yoki unga eʼtiborsizlik javobgarlikdan ozod qilmaydi», — deya maʼlum qildi idora. Ijtimoiy tarmoqlardagi reklamalarni tekshirish davom ettiriladi.