Markaziy Osiyo mamlakatlarining oʻzaro savdosi 7 oyda 8,1 mlrd dollarga yetdi

Mintaqa ichidagi savdo koʻrsatkichi ikki tomonlama hisobga olishni istisno qilish maqsadida har bir mamlakatning mintaqadagi boshqa davlatlarga eksport yetkazib berishlari yigʻindisi sifatida hisoblab chiqildi.

Oʻzaro eksportning 80% dan ortigʻi Qozogʻiston va Oʻzbekiston hissasiga toʻgʻri keldi. Qozogʻiston mintaqa mamlakatlariga 4,537 mlrd dollarlik (oʻzaro eksport umumiy hajmining 55,9% i), Oʻzbekiston esa 2,003 mlrd dollarlik (24,7% i) tovar yetkazib berdi. Turkmanistonning yetkazib berish hajmi 844 mln dollarni, Qirgʻizistonning — 523 mln dollarni, Tojikistonning esa 209 mln dollarni tashkil qildi.

Markaziy Osiyo mamlakatlari bilan savdoning har bir davlat umumiy tashqi savdo aylanmasidagi ulushi Qirgʻizistonda 19,9% ni, Tojikistonda 17,6% ni, Oʻzbekistonda 10,9% ni va Qozogʻistonda 6,7% ni tashkil etdi.