AMD bozor kapitallashuvi ilk bor 1 trln dollardan oshdi

Birja va CNBC maʼlumotlariga tayanib OAV xabar berishicha, kompaniya aksiyalari 9 foizga qimmatlashib, bir dona aksiya uchun rekord darajadagi 613,92 dollarga yetdi. Oxirgi besh savdo kuni davomida qimmatli qogʻozlar narxi taxminan 21–24 foizga oshdi, yil boshidan buyon esa umumiy oʻsish 180 foizdan oshdi.

AMD 1 trln dollar dovonidan kapitallashuvi taxminan 644–648 mlrd dollarga baholanayotgan Intel kompaniyasidan oldinroq oʻtdi. Shu bilan birga, kompaniya bozor kapitallashuvi qariyb 5,4 trln dollarni tashkil etuvchi Nvidia'dan hamon ortda qolmoqda.

Moliyaviy koʻrsatkichlar oʻsishining asosiy omili sunʼiy intellekt va maʼlumotlar markazlari uchun moʻljallangan chiplar segmenti boʻldi. 2026-yilning ikkinchi choragida AMD daromadi 11,54 mlrd dollarga yetdi (oʻtgan yilga nisbatan 50 foiz oʻsish), maʼlumotlarni qayta ishlash markazlari yechimlari boʻlinmasi esa 6,7 mlrd dollar keltirib, sotuvlarning 107 foizga oshganini koʻrsatdi.