Uzbekistan Airways 2027-yil 5-apreldan Toshkentdan Varshavaga parvozlarni boshlaydi

Yangi yoʻnalish boʻyicha ilk parvoz 2027-yil 5-aprelga rejalashtirilgan. Samolyotlar Varshavaga va ortga haftasiga ikki marta, dushanba va payshanba kunlari parvoz qiladi. Toshkent — Varshava — Toshkent yoʻnalishi toʻgʻridan-toʻgʻri amalga oshiriladi.

Toshkentdan HY221 raqamli reys soat 04:25 da joʻnab ketadi va Varshavaga 08:05 da qoʻnadi. Ortga qaytishda esa HY222 raqamli samolyot Polsha poytaxtidan soat 09:35 da havoga koʻtarilib, Toshkentga 18:15 da yetib keladi. Aviakompaniya parvozlar jadvalini har bir aeroportning mahalliy vaqti boʻyicha keltirmoqda.

Tashuvchi maʼlumotlariga koʻra, bir tomonga parvozning minimal narxi 4 715 000 soʻmni, borish-qaytish chiptasi esa 9 150 000 soʻmdan boshlanadi. Chiptalarni Uzbekistan Airways saytida va uning mobil ilovasida, Uzbekistan Airways Salesʼda, shuningdek aviakompaniya agentlaridan xarid qilish mumkin.