Oʻzbekistonda mobil radarlar oldidagi majburiy «Radar» belgisi bekor qilindi

Endilikda ogohlantiruvchi belgi faqat statsionar tezlikni nazorat qilish radarlari uchun talab etiladi. Uni bunday qurilmagacha 250 metrdan yaqin boʻlmagan va 500 metrdan uzoq boʻlmagan masofada, shuningdek, u oʻrnatilgan joyda qoʻyish lozim. Shunga oʻxshash tuzatish Yoʻl harakati qoidalarining 5.43-bandiga ham kiritildi. Uznews maʼlumotlariga koʻra, yangi tartib 1-noyabrdan kuchga kirdi.

Radarlar oldidagi majburiy belgi 2025-yil 1-sentabrdan boshlab paydo boʻlgan edi. U «aholiga transport vositalaridan foydalanishda qoʻshimcha qulayliklar yaratish» maqsadida qabul qilingan 2025-yil 15-maydagi 318-son qaror bilan joriy etilgandi. Amaldagi oʻzgarishlarga qadar mazkur talab statsionar qurilmalarga ham, mobil qurilmalarga ham taalluqli boʻlgan.

Hukumat tuzatishlarning maqsadi sifatida foto va videofiksatsiya vositalaridan yanada takomillashtirilgan tarzda foydalanish hisobiga YHQ buzilishi holatlari sonini kamaytirishni qayd etmoqda.

Gazeta.uzʼning taʼkidlashicha, xuddi shu hujjatda xavfsizlik kamarini taqmaslik holati tadbirkorlarning kameralari tomonidan ham qayd etilishi koʻzda tutilgan. Bundan tashqari, YPX inspektorlari chorrahagacha 50 metr va qayrilib olish joyigacha 20 metr qolganda yaxlit chiziqni bosishni endi qoidabuzarlik deb hisoblamasliklari kerak.