Toshkentda 15-dekabrgacha avtobuslarga «A» tasmasi uchun kameralar oʻrnatiladi

Kameralar mobil boʻladi: ular avtobus yoʻnalish boʻylab harakatlanayotgan vaqtda qoidabuzarliklarni avtomatik tarzda yozib oladi, yozuvlar esa Yoʻl harakati xavfsizligi boshqarmasining yagona bazasiga ulanadi. Bu shahar YHXB, Toshkent shahar Transport va yoʻl-transport infratuzilmasini rivojlantirish bosh boshqarmasi hamda «Toshshahartransxizmat» kompaniyasiga topshirildi.

Kengash xuddi shu organlarga 1-noyabrdan boshlab jamoat transporti uchun ajratilgan «A» tasmalarida noqonuniy harakatlanayotgan yoki toʻxtab turgan yengil va shaxsiy avtomobillarga qarshi doimiy reydlarni kuchaytirishni topshirdi.

Qaror Toshkent shahar hokimining transport boʻyicha oʻrinbosarining uchinchi chorakda jamoat transporti faoliyati toʻgʻrisidagi hisoboti yakunlari boʻyicha qabul qilindi. Unda Fargʻona yoʻlining 6 kilometrlik qismida «A» tasmalarini nazorat qiluvchi sakkizta kamera allaqachon ishlayotgani aytiladi. Qarorning ushbu bandida qancha avtobusga va qaysi yoʻnalishlarda kameralar oʻrnatilishi koʻrsatilmagan.