Apple qoʻllab-quvvatlash forumini faqat oʻqish rejimiga oʻtkazdi va uni 20-noyabrda yopadi

Yopilgunga qadar eski muhokamalar koʻrish va javoblarni izlash uchun ochiq qoladi, biroq yangi savollar berish va sharhlar qoldirish endi mumkin emas. 3DNews havola qilgan PCMag maʼlumotlariga koʻra, oddiy foydalanuvchilarda hozircha «Menda ham shunday muammo bor» tugmasi va ovoz berish vositalari ishlamoqda. Xabr taʼkidlaganidek, portalga avtorizatsiyadan oʻtish endi faqat Apple xodimlari uchun mavjud. Texnik yordam olish uchun kompaniya foydalanuvchilarni Apple Support rasmiy saytiga yoʻnaltirmoqda.

Apple oʻz qarorini strategiya va mijozlar ehtiyojlarini tahlil qilgani bilan izohladi. «Apple mahsulotlari foydalanuvchilariga yordam berib, oʻz vaqtini ajratgan va tajribasi bilan oʻrtoqlashgan hamjamiyat ishtirokchilariga minnatdorchilik bildiramiz», — deyiladi kompaniya xabarida. Kursiv nashrining AppleInsiderʼga tayanib xabar berishicha, nashr sabablardan biri SI-chat-botlari va Redditʼdagi ixtisoslashgan hamjamiyatlar bilan raqobat boʻlganini istisno qilmaydi.

iPhone, Mac va boshqa qurilmalar egalari bir-biriga yordam bergan ushbu maydoncha 1998-yilda Apple Tech Exchange nomi ostida paydo boʻlgan, keyinchalik Apple Discussions nomini olgan, 2011-yilda esa qayta ishga tushirilgan — ishtirokchilar profillari va boshqalarga yordam bergani uchun reyting tizimi bilan taʼminlangan. Kursiv maʼlumotlariga koʻra, Apple 2023-yilda ijtimoiy tarmoqlarda foydalanuvchilarni qoʻllab-quvvatlashdan voz kechgan va forum ishtirokchilariga yordam beruvchi mutaxassis lavozimini tugatgan edi.