Calif jamoasi Lockdown Mode yoqilgan iPhone 18 Pro buzib kirilganini koʻrsatdi

Yozuvda smartfon egasi hujjatni qabul qiladi, shundan soʻng djjeylbreyk — iOS tizimli cheklovlarini olib tashlash jarayoni boshlanadi. Keyin qurilma iOS 27.2 versiyasigacha yangilanadi: qayta yuklashdan soʻng buzib kirish holati saqlanib qoladi, sozlamalarda esa tizimning oxirgi versiyasi koʻrsatiladi. Jamoa oʻz videosiga «Lockdown Mode yordam berishdan toʻxtamagunicha yordam beradi» degan izohni ilova qilgan.

Qaysi zaifliklar ishga solingani va hujum aynan qanday kechishini Calif oshkor qilmadi. Tizim boshidanoq iOS 27.2 oʻrnatilgan smartfonda buzib kirishni takrorlash imkoni bor-yoʻqligi ham nomaʼlum: koʻrsatilgan holatda djjeylbreyk avvalgi versiyada bajarilgan va shundan keyingina tizim yangilangan. Kod.ru yozishicha, avvalroq jamoa aniqlangan xatolarni Appleʼga topshirishini va oddiy foydalanuvchilar uchun djjeylbreyk vositasini chiqarmoqchi emasligini bildirgan edi.

Lockdown Mode murakkab aygʻoqchi hujumlar nishoniga aylanishi mumkin boʻlgan shaxslar uchun moʻljallangan. Ushbu rejimda iPhone xabarlardagi biriktirmalarning aksariyat turlarini qabul qilmaydi, qator veb-texnologiyalarni cheklaydi, notanish shaxslardan FaceTime qoʻngʻiroqlarini oʻtkazmaydi va suratlardan joylashuv maʼlumotlarini oʻchiradi. 2026-yil mart oyida Apple TechCrunch nashriga mazkur rejimdagi qurilmalarga aygʻoqchi dasturiy taʼminotning muvaffaqiyatli hujumlari haqida bilmasligini maʼlum qilgan edi.

Jamoa hali oktabr oyida Parijdagi Hexacon konferensiyasida iPhone qanday qilib Signal va iMessage orqali yuborilgan PDF-fayl orqali buzib kirilganini koʻrsatgan, shuningdek, iOS 27.0.1 djjeylbreyki haqida maʼlum qilgan edi. Har ikki holatda ham jabrlanuvchining oʻzi faylni ochishi yoki qabul qilishi kerak, shu bois ushbu hujumlar zero-click toifasiga kirmaydi.