Huawei HarmonyOS tizimida ishlaydigan oʻzining ilk stol kompyuterini taqdim etdi

Namoyish Shanxayda boʻlib oʻtgan Huawei Connect 2026 konferensiyasida tashkil etildi. Ushbu yangilik Windows yoki Linux operatsion tizimlari oʻrniga ishlab chiqaruvchining HarmonyOS 1.0 shaxsiy stol platformasidan foydalanadigan ilk desktopt boʻldi. Qurilma alohida tizim bloki formatida ishlab chiqarilgan.

Kompyuter korporativ va davlat buyurtmachilariga moʻljallangan. Operatsion tizimga maʼlumotlarni qayta ishlash, maʼlumot qidirish va kontent yaratish uchun moʻljallangan Celia sunʼiy intellekt yordamchisi integratsiya qilingan. Korporativ funksionalga ish joylarini raqamli ajratish, qurilmalar hamda ilovalarni markazlashtirilgan boshqarish, shuningdek, yirik til modellarini qoʻllagan holda maʼlumotlarni himoya qilish mexanizmlari kiritilgan. Xitoyda desktopt ikkinchi darajali xavfsizlik va ishonchlilik sertifikatsiyasidan oʻtgan.

Kod.ru maʼlumotlariga koʻra, model Kirin X90 protsessori va ikki bosqichli sovutish tizimi bilan jihozlangan. Shu bilan birga, tezkor xotira, jamlagichning aniq hajmlari, grafik parametrlari va kompyuterning chakana narxi hozircha eʼlon qilinmagan. iXBT.com maʼlumotiga koʻra, qurilmaning bozorga chiqishi 2026-yilning sentyabrida kutilmoqda.