AMD nurlar trassirovkasida xotira sarfini kamaytirish usulini taqdim etdi

Tadqiqot ishida AMD mutaxassislari yangi usulni taxminan 25 mingta animatsiyalangan oʻsimliklar mavjud sahna misolida namoyish etdilar. Anʼanaviy yondashuvda bunday obyektlarni qayta ishlash tezlashtirish tuzilmalari (BVH) uchun 80 Gbaytgacha video xotirani talab qilar, ularni yangilash esa har bir kadr uchun 300 ms dan koʻproq vaqt olardi. Tetraedral karkaslar qoʻllanilganda xotira sarfi 1,7 Gbaytgacha (taxminan 47–50 baravarga) kamaydi, yangilanish vaqti esa 3,3 ms gacha qisqardi.

Texnologiyaning mohiyati shundaki, batafsil geometriya soddalashtirilgan deformatsiyalanuvchi karkas ichiga joylashtiriladi. Uch oʻlchamli modellarning oʻzi statik holatda qoladi, faqat tashqi qobiq animatsiya qilinadi. Radeon RX 9070 XT videokartasidagi testlar davomida 500 millionga yaqin uchburchaklar trassirovkasiga ega sahna 1920 × 1080 piksel ruxsatida soniyasiga 60 dan ortiq kadr chastotasi bilan ishladi.

Kompaniyaning ushbu tadqiqoti High-Performance Graphics 2026 konferensiyasida Wolfgang Straßer Best Paper Award mukofotiga sazovor boʻldi. Ishlanma hozircha tadqiqot bosqichida boʻlib, tayyor tijoriy oʻyinlarga joriy etilmagan. Mutaxassislar ushbu texnologiya barglar, oʻtlar yoki fon qahramonlari uchun juda mos kelishini, biroq alohida choʻqqilarni boshqarish imkoniyati yoʻqligi sababli yuzning batafsil animatsiyasi uchun toʻgʻri kelmasligini taʼkidladilar.