Sunʼiy intellekt modeli Birinchi jahon urushining 108 yillik shifrini yechdi

Shifrlangan matn Scienceblogs.de ilmiy bloglar portalidagi 50 ta yechilmagan shifrlar roʻyxatiga kirgan va ADFGVX shifri bilan kodlangan edi. Shifrni ochish ochiq tarixiy manbalarda avval ham tilga olingan TRUPPENVERSCHIEBUNG kalit soʻzidan foydalangan holda amalga oshirildi, shuning uchun sunʼiy intellekt kalitni noldan buzib ochmadi.

Tiklangan matnda Britaniya kreyserining Sevastopolga yetib kelgani hamda uning ortidan 1918-yil 26-noyabrda ittifoqchilar eskadronining yoʻl olgani haqida xabar beriladi. Matn mazmuni Britaniyaning HMS «Kenterberi» (HMS Canterbury) kreyseri jurnallari bilan taqqoslandi: ularda kemaning portga 1918-yil 24-noyabrda, ittifoqchilar qoʻshilmasining esa 26-noyabrda yetib kelgani qayd etilgan.

Dasturchining tushuntirishicha, xabarni avvalroq shifrdan chiqarishning iloji boʻlmaganiga sabab tadqiqotchilarning ushbu kalitdan faqat 1918-yil 9-dekabrdan boshlab foydalanilgan degan ishonchi boʻlgan, radiogramma esa 29-noyabr bilan sanalgan. Natijani tasdiqlash uchun kriptograflar tomonidan mustaqil tekshiruv hozircha oʻtkazilmagan.