Oppo global bozorga A7 Pro Max 5G smartfonini chiqardi

2026-yil avgust oyida Xitoyda boʻlib oʻtgan taqdimotdan soʻng ushbu model xalqaro bozorga chiqdi. Smartfon 4 nanometrli Qualcomm Snapdragon 4 Gen 5 protsessori bazasidagi birinchi qurilma boʻldi. U Android 16 asosidagi ColorOS 16 operatsion tizimi boshqaruvida ishlaydi.

Qurilma 2772 × 1272 pikselli 6,78 dyuymli AMOLED ekran, 120 Gts gacha adaptiv yangilanish chastotasi va oʻrnatilgan optik barmoq izi skaneri bilan jihozlangan. Model korpusi IP69K standarti boʻyicha namlik va changdan himoyalangan. Asosiy kamera moduli optik barqarorlashtirish tizimiga ega 50 megapikselli datchik va qoʻshimcha 2 megapikselli monoxrom sensorni oʻz ichiga oladi, old kameraning ruxsati ham 50 MPni tashkil etadi.

10 000 mA·soat sigʻimli batareya 80 Vt quvvatli simli quvvatlanishni va tashqi qurilmalarni 27 Vt gacha qaytarma quvvatlashni qoʻllab-quvvatlaydi. Yangi mahsulot koʻk va qora ranglarda taklif etilmoqda. Avstriyada 6 GB tezkor va 256 GB doimiy xotiraga ega konfiguratsiya 600 yevroga baholangan, Malayziyada 8/256 GB modifikatsiyasi 2300 ringgit (taxminan 565 AQSh dollari), Tailandda esa 20 ming bat (taxminan 600 AQSh dollari) turadi.