Joby kompaniyasining Cessna Caravan samolyoti AQSH boʻylab avtonom parvozni amalga oshirdi

Kompaniya maʼlumotlariga koʻra, oraliq qoʻnishlar bilan amalga oshirilgan parvoz vaqtida uchuvchi xavfsizlik uchun kabinada boʻlgan, biroq unga manyovr qilish, havoga koʻtarilish, qoʻnish va yoʻnalish boʻyicha harakatlanish bosqichlarida boshqaruvga aralashishga toʻgʻri kelmadi (masofa 5148 km ni, Habr maʼlumotlariga koʻra esa taxminan 5150 km ni tashkil etdi). Marshrut Shimoliy Karolina shtatidagi Auter-Benks orollarida yakunlandi.

Parvozni Kaliforniyadagi boshqaruv markazi va Janubiy Karolinadagi Shou harbiy-havo bazasidan 3738 km gacha boʻlgan masofadan mutaxassislar kuzatib bordi. Samolyot Finiks-Dir-Velli aeroportining band boʻlgan havo hududida manyovrlarni bajardi hamda momaqaldiroq va noqulay ob-havoni aylanib oʻtish uchun real vaqt rejimida yoʻnalishni oʻzgartirdi.

Tizimda Joby Aviation tomonidan 2024-yilda sotib olingan Xwing kompaniyasi texnologiyasidan foydalaniladi. Ishlab chiquvchi jami umumiy davomiyligi 800 soatga yaqin boʻlgan 400 dan ortiq avtonom parvozlarni oʻtkazdi. Kompaniya tizimdan tijoriy yuk tashish, qutqaruv operatsiyalari va harbiy taʼminot uchun foydalanishni rejalashtirmoqda. Endilikda samolyot Shimoliy Karolina, Virjiniya, Kentukki, Kanzas, Oklaxoma, Yuta va Oregon shtatlari orqali ortga qaytish reysiga tayyorlanmoqda.