Timur Turlov FIDE prezidentligi lavozimiga nomzodini ilgari surdi

Turlov FIDE rahbari lavozimiga oʻz nomzodini qoʻygani haqida Samarqanddagi shaxmat Olimpiadasi davomida maʼlum qildi. Uning soʻzlariga koʻra, tashkilot rahbariyati saylovi milliy federatsiyalar vakillari ishtirokida bir necha kundan soʻng Samarqandda boʻlib oʻtadi.

Turlov milliy federatsiyalarning ishonchiga tayanish va ularni uzoq muddatli moliyalashtirishni qoʻllab-quvvatlash niyatida ekanini maʼlum qildi. U shuningdek, Oʻzbekiston va Qozogʻiston shaxmatchilarining muvaffaqiyatlarini taʼkidlab, amaldagi chempion hindistonlik Gukesh hamda oʻzbekistonlik Javohir Sindarov oʻrtasida boʻlib oʻtadigan jahon shaxmat toji uchun boʻlajak uchrashuvni eslatib oʻtdi.