Oʻzbekiston shaxmat Olimpiadasining uchinchi turida toʻrtta gʻalabaga erishdi

Oʻzbekistonning asosiy erkaklar terma jamoasi Avstriyani 3:1 hisobida magʻlub etdi. Oʻz partiyalarida Javohir Sindarov va Muhiddin Madaminov gʻalaba qozondi, Nodirbek Abdusattorov va Nodirbek Yoqubboyev esa durang oʻynadi. Bu birinchi terma jamoaga uch turda maksimal mumkin boʻlgan olti ochkoni toʻplash imkonini berdi. Mamlakatning ikkinchi erkaklar jamoasi Germaniya terma jamoasiga 1,5:2,5 hisobida imkoniyatni boy berdi, uchinchisi esa Marokashni 3,5:0,5 hisobida magʻlub etdi.

Ayollar turnirida Oʻzbekistonning birinchi terma jamoasi Umida Omonova va Nilufarxon Imomqoʻziyevaning gʻalabalari hamda Afruza Hamdamova va Gulruhbegim Tohirjonovaning durang natijalari evaziga Indoneziya ustidan 3:1 hisobida gʻalaba qozondi. Birinchi ayollar jamoasi ham barcha dastlabki uchta uchrashuvda gʻalaba qozonib, oʻz hisobida olti ochkoga ega boʻlib turibdi.

Ikkinchi ayollar terma jamoasi Ispaniyaga 1:3 hisobida imkoniyatni boy berdi, uchinchi ayollar jamoasi esa Saudiya Arabistoni terma jamoasini 4:0 hisobida magʻlub etdi. 19-sentabrga rejalashtirilgan toʻrtinchi turda Oʻzbekistonning birinchi erkaklar terma jamoasi Turkiya bilan, ayollar terma jamoasi esa Argentina bilan oʻynaydi.