Oʻzbekiston 2026-yil sentabrida MBlar orasida uchinchi oltin xaridoriga aylandi

Bir oy davomida Oʻzbekistondan koʻra koʻproq oltinni faqat Polsha (25 tonna) va Xitoy (23 tonna) xarid qildi. Boshqa sof xaridorlar orasida WGC Qozogʻiston (+5 tonna), Iordaniya (+4), Chexiya (+2) va Boliviyani (+1) qayd etmoqda. Sentabr oyida zaxiralarning eng katta qisqarishi Rossiyada kuzatildi — minus 6 tonna.

Umumiy hisobda markaziy banklar sentabr oyida oltin zaxiralarini 61 tonnaga oshirdi, bu 2026-yil boshidan buyon bir oy uchun eng yuqori koʻrsatkich boʻldi. Yanvar — sentabr oylarida ularning sof xaridlari 228 tonnani tashkil etdi; tashkilot baholashicha, bu oʻtgan yilning shu davriga nisbatan 7 foizga kamroqdir.

Sentabrdagi xarid avgust oyidagidan keyin amalga oshirildi: oʻshanda, WGC maʼlumotlariga koʻra, Oʻzbekiston Markaziy banki 8 tonna xarid qilgandi. Iyulda esa, aksincha, mamlakat eng yirik sotuvchilar qatorida boʻlib, zaxirasini 1 tonnaga kamaytirgan edi. Hisobot maʼlumotlariga koʻra, yil boshidan buyon Oʻzbekiston Qozogʻiston, Chexiya, Singapur va Chili kabi 10 tonnadan ortiq oltin sotib olgan.

Hisobotda aniqlik kiritilishicha, statistika faqat mamlakatlar ochiq hisobot beradigan zaxira oʻzgarishlarini hisobga oladi, mamlakatlar kesimida esa bir tonnadan boshlangan oʻzgarishlar keltiriladi.