Banklar «Kambagʻallikdan farovonlik sari» dasturi boʻyicha 35,9 mlrd soʻm ajratdi

Qarz oluvchilar oʻzini oʻzi band qilish yoki kichik ishlab chiqarishni yoʻlga qoʻyish maqsadida mablagʻlarni texnika, asbob-uskunalar va transportga sarfladi. Eng koʻp mablagʻ tikuv mashinalariga yoʻnaltirildi: 13,2 mlrd soʻmlik 925 ta kredit. Oziq-ovqat mahsulotlarini ishlab chiqarish uskunalari toʻplamlariga 7,1 mlrd soʻmlik 419 ta kredit toʻgʻri keldi.

Qabul qiluvchilar yana 5,6 mlrd soʻmni 496 ta noutbukka, 5,4 mlrd soʻmni 272 ta mototransport vositasiga sarfladi. Boshqa asosiy vositalar uchun banklar 4,5 mlrd soʻmlik 250 ta kredit rasmiylashtirdi.

Moliyalashtirish hajmi boʻyicha banklar orasida Xalq banki birinchi boʻldi: 23,6 mlrd soʻmlik 1587 ta kredit. Mikrokreditbankda — 8,6 mlrd soʻmlik 569 ta kredit, Agrobankda — 3,6 mlrd soʻmlik 206 ta qarz.

Kreditlar soni boʻyicha hududlar orasida Jizzax viloyati (321 ta) yetakchilik qilmoqda, undan keyin Toshkent (307 ta) va Sirdaryo (262 ta) viloyatlari bormoqda. Regulyator taʼkidlashicha, dasturning vazifasi — kichik biznesni qoʻllab-quvvatlash va oilalar daromadlarini oshirishdir.