«Soyuzmultfilm» Oʻzbekiston bilan birgalikdagi multloyiha uchun sharoitlar mavjud deb hisoblamoqda

Slashchevaning soʻzlariga koʻra, hozirda sheriklikni davom ettirish hamda asosida oʻzbek xalq ertaklari, afsonalari va rivoyatlari yotadigan umumiy animatsion loyihani boshlash uchun barcha sharoitlar mavjud. U animatsiyani til va davlat toʻsiqlari xalaqit bermaydigan universal sanʼat deb atadi. Forumda, shuningdek, anʼanaviy tajribani yangi texnologiyalar va yosh mualliflarning gʻoyalari bilan uygʻunlashtirish zarurligi haqida soʻz bordi.

Slashcheva studiyaning mashhur qahramonlari obrazlari seriallar, badiiy filmlar, kompyuter va mobil oʻyinlar, shuningdek, komikslarda qoʻllanilayotgani haqida soʻzlab berdi. Uning fikricha, milliy ertaklar qahramonlarini yangicha tarzda taqdim etish uchun bunday tajriba oʻzbek animatsiyasiga ham asqotgan boʻlardi.

Studiya rahbari uning Oʻzbekistondagi oʻtmishini eslatib oʻtdi. 1941–1945-yillarda «Soyuzmultfilm» vaqtincha Toshkent va Samarqandda ish olib borgan. 1965-yilda studiya oʻzbek xalq ertagi asosida Xoʻja Nasriddin haqidagi multfilmni chiqargan, 1978-yilda esa «Oʻzbekfilm» bilan birgalikda «Olim va uning eshagi» filmini suratga olgan.

Yangi loyihaning ishga tushirilish muddatlari hozircha maʼlum qilinmagan, deb qayd etadi Nuz.uz.