Buxoro 2027-yilda YuNESKO Ijodkor shaharlar tarmogʻi konferensiyasiga mezbonlik qiladi

Qaror haqida 30-oktabr kuni, Butunjahon shaharlar kuni arafasida eʼlon qilindi. Uchrashuvni Buxoroda oʻtkazish tashabbusi bilan Oʻzbekiston Prezidenti Shavkat Mirziyoyev 2025-yil oktabr oyida Samarqandda YuNESKO Bosh konferensiyasining 43-sessiyasini ochar ekan, chiqqan edi. Buxoro Markaziy Osiyo, MDH va Turkiy davlatlar tashkilotida tarmoqning yillik konferensiyasi oʻtkaziladigan birinchi shahar boʻladi.

Uchrashuv kun tartibidan ijodiy sohalarni rivojlantirish, madaniy merosni asrab-avaylash va undan bugungi kunda foydalanish, yoshlar hamda ijodiy kasb egalarini qoʻllab-quvvatlash, shuningdek, BMTning Barqaror rivojlanish maqsadlariga erishishda madaniyatning oʻrni kabi masalalar oʻrin olgan. Odatda dastur merlar forumi, yalpi majlislar, xalqaro loyihalar taqdimotlari, mavzuli munozaralar, potensial hamkorlar bilan uchrashuvlar va ijodkor shaharlar yarmarkalarini oʻz ichiga oladi.

Buxoro hunarmandchilik yoʻnalishi boʻyicha tarmoqqa 2023-yildan beri aʼzo, shahar YuNESKO Butunjahon merosi roʻyxatiga esa 1993-yilda kiritilgan. Tarmoqning oʻzi 2004-yildan buyon mavjud boʻlib, hozirda 110 dan ortiq mamlakatning 408 ta shahrini oʻz ichiga oladi.

Tarmoqning eng yaqin konferensiyasi 2026-yil noyabr oyida Marokashning Es-Suveyra shahrida «Shaharlarning barqaror rivojlanishi uchun madaniy innovatsiyalar» shiori ostida boʻlib oʻtadi.