30-oktabr kuni Toshkentning sakkizta tumanida soat 10:00 dan 16:00 gacha chiroq oʻchiriladi

Energetiklar elektr oʻchirilishini tarmoqlarni taʼmirlash va ularni kuz-qish mavsumiga tayyorlash bilan izohlamoqda. Elektr energiyasi yetkazib berish butun tuman boʻylab emas, faqat koʻrsatilgan mahallalarning bir qism koʻchalarida toʻxtatiladi.

Yakkasaroy tumanida bu «Meros» mahallasi, Mirzo Ulugʻbek tumanida — «Katta Qorasuv», Shayxontohur tumanida — «Ibn Sino», Uchtepa tumanida — «Chamanzor», Chilonzor tumanida — «Chilonzor», Yashnobod tumanida — «Chinor». Bektemir tumanida «Abay», «Sohil», «Chashma», «Nurli yoʻl» va «Musaffo» mahallalari, Olmazor tumanida esa «Sebzor», «Yangi Sebzor», «Ahil» va «Umid» mahallalari koʻchalarida chiroq boʻlmaydi.

Elektr taʼminotini soat 16:00 gacha, taʼmirlash ishlari ertaroq yakunlansa, belgilangan vaqtdan oldinroq tiklash rejalashtirilmoqda. Tuman elektr tarmoqlarida ishlar rejalashtirilgan vaqtdan oldinroq tugashi mumkinligi aniqlashtirildi. «Hududiy elektr tarmoqlari» kompaniyasi keltirilgan noqulayliklar uchun aholidan uzr soʻradi.