Toshkent 2026-yilgi Global Cities Index reytingida 128 pogʻonaga koʻtarildi

Oxford Economics, shuningdek, Toshkentni kelgusida oʻsish salohiyatiga ega boʻlgan 28 ta Cities to Watch shaharlari roʻyxatiga kiritdi. Umumiy hisobda shahar 100 balldan 50 ball toʻpladi. Poytaxt eng sezilarli sakrashni «Iqtisodiyot» toifasida namoyish etib, 54,7 ball natija bilan 558-oʻrindan 188-oʻringa koʻtarildi.

«Inson kapitali» yoʻnalishida Toshkent 108-oʻrindan joy oldi (61,5 ball). Shahar hokimligi matbuot xizmatining qayd etishicha, 2024-yilda poytaxt 136-oʻrinda, 2025-yilda esa 123-oʻrinda boʻlgan. Tahlilchilar ustunliklar qatorida geografik joylashuv va malakali kadrlarni ajratib koʻrsatib, shu bilan birga, aholi jon boshiga YaIMning pastligi sababli mutaxassislar ketishi xatarlarini hamda suv resurslari taqchilligini oʻz ichiga olgan ekologik yuklamani qayd etishdi.

Qolgan toifalarda shaharning koʻrsatkichlari pastroq boʻldi: «Hayot sifati» boʻyicha Toshkent 644-oʻrinni (47,5 ball), «Atrof-muhit» boʻyicha 806-oʻrinni (45,1 ball), «Boshqaruv» boʻyicha esa 825-oʻrinni (40,2 ball) egalladi. Markaziy Osiyo megapolislari orasida Olmaota 265-oʻrinni, Ostona 281-oʻrinni, Bishkek 461-oʻrinni, Ashxobod 668-oʻrinni, Dushanbe 672-oʻrinni egalladi. Jahon reytingining dastlabki uchligini Nyu-York, London va Parij tashkil etdi.