Gismeteo 31-oktabr kuni Oʻzbekistonda magnit boʻroni boʻlishini prognoz qilmoqda

Servis maʼlumotlariga koʻra, eng yuqori faollik ertalabki soatlarda kutilmoqda, magnit maydonining bezovtalanishi esa bir necha soat davom etadi.

Magnit boʻronlari Quyosh faolligi bilan bogʻliq. Quyoshdagi chaqnashlar va toj massasining ajralib chiqishi paytida Yer tomon zaryadlangan zarralar oqimi keladi va aynan ular uning magnit maydonini bezovta qiladi.

iXBT.com hali 26-oktabr kuniyoq 28-oktabrdan boshlab Yerga navbatdagi toj tuynugi taʼsir koʻrsatishini yozgan edi. U Quyoshning ekvatorial sohasida, disk markazidan chaproqda joylashgan. Nashrning baholashicha, payshanba va juma kunlari quyosh shamolining tezligi 600 km/s gacha koʻtarilishi mumkin, bu esa meʼyordan taxminan 50% yuqori. Qoidaga koʻra, bunday tezlik bezovtalanishlar magnit boʻroni darajasiga yetishi uchun yetarli boʻlmaydi.

Nashr, shuningdek, dam olish kunlari koʻrinadigan diskning chap chetidagi ikkita yangi soha tufayli Quyoshning chaqnash faolligi biroz tiklanganini taʼkidlagan. Biroq ushbu sohalar kuchsiz boʻlib, quyosh dogʻlarini oʻz ichiga olmaydi.