Oʻzgidromet hafta davomida quruq ob-havo va +37 darajagacha iliqlikni prognoz qildi

Meteorologlar maʼlumotiga koʻra, respublikaning katta qismida kam bulutli, baʼzi joylarda oʻzgaruvchan ob-havo saqlanib qoladi. Faqat ayrim togʻli hududlarda, shuningdek, 24–25-sentabr kunlari Fargʻona vodiysining ayrim joylarida qisqa muddatli yengil yomgʻir yogʻishi va momaqaldiroq boʻlishi mumkin. Kechasi havo harorati +13…+18 daraja, kunduzi +27 dan +32 darajagacha, janubiy hududlarda esa +35…+37 darajagacha isiydi. Sharqiy shamol tezligi soniyasiga 7–12 metrni tashkil etadi.

Toshkentda yogʻingarchilik kutilmaydi, havo oʻzgaruvchan boʻladi. Kechasi havo harorati +15…+18 daraja oraligʻida saqlanadi, kunduzi +29…+32 daraja boʻladi, 25-sentabrda esa sharqiy yoʻnalishdagi 3–8 metr/soniya tezlikdagi shamolda +27…+29 darajagacha pasayadi.