AQSH 3-noyabrdan aviyoʻlovchilar uchun Ebola tufayli deklaratsiya joriy qilmoqda

Tashuvchi qoida kuchga kirish sanasi sifatida 3-noyabrni koʻrsatmoqda. CDCʼning aniqlik kiritishicha, u 3-noyabr soat 23:59 dan (AQSH sharqiy standart vaqti bilan) boshlab joʻnaydigan reyslarga tatbiq etiladi, bu Toshkent vaqti bilan 4-noyabr soat 9:59 ga toʻgʻri keladi. Deklaratsiya qogʻozda yoki elektron shaklda, har bir shaxs uchun alohida rasmiylashtiriladi. Sayohatchi samolyotda qolgan yoki aeroportdan tashqariga chiqmagan taqdirda ham, ushbu mamlakat aeroporti orqali tranzit qilish KDRda boʻlish hisoblanadi.

18 yoshgacha boʻlgan yoʻlovchilar uchun hujjatni ota-onasi, vasiysi yoki boshqa vakolatli shaxs toʻldiradi va imzolaydi. Deklaratsiyasiz parvozga chiqishga ruxsat berilmaydi, bila turib yolgʻon maʼlumot berganlik uchun esa AQSH qonunlariga koʻra jinoiy javobgarlik belgilanishi mumkin. Aviakompaniya hujjatni aeroportga kelishdan oldinroq, oldindan tayyorlab qoʻyishni tavsiya qiladi. Blank CDC saytida eʼlon qilingan.

CDC tushuntirishiga koʻra, chora KDRdagi avj olish fonida Ebolaning kirib kelish xavfini kamaytirishga qaratilgan, 21 kunlik muddat esa kasallikning maksimal inkubatsiya davriga teng. Kasallik tarqalishiga Bundibugio shtammi sabab boʻlgan, idora uni barcha kuzatuvlar tarixidagi ikkinchi yirik epidemiya deb baholamoqda. CDC maʼlumotlariga koʻra, 25-oktabr holatiga 10 mingdan ortiq kasallanganlar va 4891 ta oʻlim qayd etilgan, ularning aksariyati — KDRda. U bilan bogʻliq holatlar Uganda, Keniya, Nigeriya va Fransiyada ham aniqlangan.