Apple qaytarilgan iPhoneʼlarni qutisini ochmasdan tekshirishni boshladi

Gurmanning soʻzlariga koʻra, qurilma smartfon ichkarida ekanligi, u qismlarga ajratilmagani va undan detallar chiqarib olinmaganiga ishonch hosil qilish imkonini beradi. Uskunalarni doʻkonlarga yetkazib berish oktabr oyi boshida boshlangan, hozirda ular asta-sekin amaliyotga joriy etilmoqda. Jurnalist tekshiruv aynan qanday tuzilganini ochiqlamagan. Uning maʼlumotlariga koʻra, u Apple tomonidan hali qadoqdan chiqarilmagan smartfonlardagi iOS tizimini yangilash uchun foydalaniladigan Presto tizimi texnologiyalariga tayanadi.

Yangi vosita vijdonsizlarcha amalga oshirilgan qaytarishlar bilan bogʻliq. Gurman xaridorlar qutidan smartfon, aksessuarlar yoki alohida qismlarni chiqarib olib, soʻngra qadoqni goʻyo tegilmagandek koʻrsatib doʻkonga topshirgan holatlarni tasvirlaydi. Shu sababli xodimlar hatto muhrlangan koʻringan qutilarni ham ochishga majbur boʻlishgan.

Halol qaytarishda ham qiyinchiliklar yuzaga kelgan: ochilgan qurilma qayta ishlash uchun omborga yuborilgan va dastlabki holatida darhol vitrinaga qaytarilishi mumkin boʻlmagan. Agar quti ichidagi diagnostika muammolarni aniqlamasa, qadoq muhrlangan holda qoladi va iPhoneʼni yana sotish mumkin boʻladi.

Avvalroq «Kod.ru» yozganidek, Presto muhrlangan qutilardagi bir vaqtning oʻzida oltitagacha iPhoneʼni yangilashi mumkin: iOSʼning dolzarb versiyasini oʻrnatish taxminan 15–30 daqiqa davom etadi, shundan soʻng smartfonlar oʻchadi.