Apple aloqa uzilishi sababli iPhone 18 Pro Max’ni bepul almashtirib beradi

Nosozlik yuzaga kelganidan soʻng smartfonlar ovozli qoʻngʻiroqlar, matnli xabarlar va mobil internetga ulanish imkoniyatini yoʻqotadi. AT&T’ning aniqlik kiritishicha, begona uyali aloqa tarmoqlari qamrovi boʻlmagan taqdirda smartfonlarda hatto favqulodda qoʻngʻiroqlar ham imkonsiz boʻlib qoladi. Apple maʼlumotlariga koʻra, mazkur hodisa kam sonli qurilmalarga taʼsir koʻrsatgan.

Hali zararlanmagan apparatlarni himoya qilish maqsadida Apple iOS 27.0.1 yangilanishini chiqardi, AT&T operatori esa 14 kun ichida qurilmalarga yuklanadigan tuzatilgan tarmoq parametrlarini yetkazishni boshladi. Biroq signali yoʻqolgan smartfonlar uchun bu choralar ish bermaydi: na yangi dasturiy taʼminotni oʻrnatish, na sozlamalarni oʻzgartirish modem ishini qayta tiklamaydi.

Shu munosabat bilan Apple va AT&T mijozlarga ishdan chiqqan apparatlarni yangisiga bepul almashtirishni taklif qildi. Muammo faqatgina Qualcomm Snapdragon X80 modemi bilan jihozlangan flagmanning Amerika versiyasida qayd etilmoqda, bazaviy iPhone 18 Pro va boshqa provayderlar tarmoqlaridagi qurilmalarda esa bunday nuqson aniqlanmagan.