Sony standart PlayStation 5 uchun QSSR sunʼiy intellektli apskelerini taqdim etdi

Texnologiya PS5 Pro modelida qoʻllaniladigan PSSR yechimi asosida, AMD bilan birgalikdagi Amethyst loyihasi doirasida yaratilgan. Standart PS5ʼda mashinaviy oʻrganish uchun maxsus apparat taʼminoti mavjud boʻlmagani sababli muhandislar neyrotarmoqning soddalashtirilgan arxitekturasini hamda asosan FP16 formatidagi hisob-kitoblarga tayanadigan optimallashtirilgan algoritmni ishlab chiqdilar.

QSSR integratsiyasiga ega dastlabki loyihalar Marvel’s Wolverine va Ghost of Yōtei boʻlib, ularning yangilanishlari 1-oktabrda chiqdi. Har ikkala oʻyinda ham texnologiyani qoʻllab-quvvatlash qoʻshimcha grafik sozlama koʻrinishida paydo boʻldi. Sonyʼning taʼkidlashicha, ushbu yechim harakatdagi tasvirning detallashtirilishi va barqarorligini oshiradi.

Kelgusida QSSR kutubxonasidan foydalanish imkoniyati PlayStation uchun oʻyin yaratuvchi barcha dasturchilarga ochiladi. Sonyʼning aniqlik kiritishicha, mazkur funksiyani allaqachon PSSRʼni qoʻllab-quvvatlaydigan loyihalarga integratsiya qilish kodni tubdan qayta ishlashni talab qilmaydi, biroq studiyalar texnologiyani har bir oʻyinga alohida joriy etishlariga toʻgʻri keladi.