Bill Geyts sunʼiy intellekt tufayli bir milliard inson halok boʻlishi xavfi haqida maʼlum qildi

Geytsning soʻzlariga koʻra, xavfsizlikni taʼminlash uchun texnologiya kompaniyalarining oʻz-oʻzini tartibga solishi yetarli emas. U AQSh rasmiylari, qonun chiqaruvchilar va huquqni muhofaza qilish organlarini SI tizimlari uchun majburiy xavfsizlik talablari hamda monitoring ishlab chiqishga qoʻshilishga chaqirdi. Tadbirkorning fikricha, tartibga solish kompaniyalarga yuklama qoʻshadi, ammo texnologiyalar rivojlanishini jiddiy sekinlashtirmasligi kerak.

Tadbirkor tahdid nafaqat uzoq kelajak ssenariylaridan kelib chiqishi, balki kuchli SI vositalarining keng koʻlamli zarar yetkazish niyatlari bilan uygʻunlashuvi sababli allaqachon dolzarb ekanini taʼkidladi.

AQSh texnologiya sohasida SI rivojlanish surʼatlari boʻyicha munozaralar davom etmoqda. Anthropic rahbari Dario Amodei va OpenAI rahbari Sem Altman avvalroq standartlar hamda davlat yoki xalqaro tartibga solish tarafdori ekanliklarini bildirgan edilar, Meta rahbari Mark Sukerberg esa kompaniyalar xatarlarni mustaqil baholashi kerak deb hisoblab, umumtarmoq muvofiqlashuviga qarshi chiqmoqda. Texnologiyani nazorat qilish boʻyicha tashabbuslarni Kaliforniya, Merilend va Nyu-York shtatlari rasmiylari allaqachon taqdim etgan.