Saidjamshid Jafarov Sofiyadagi boks boʻyicha Yevropa chempionatida gʻolib chiqdi

75 kilogrammgacha boʻlgan vazn toifasida sportchi final jangida rossiyalik Ismoil Mutsolgovni 5:0 hisobida magʻlub etdi. Bu haqda OʻzA davlat axborot agentligi xabar berdi.

Final sari yoʻlda Jafarov germaniyalik Muksim Abdulay ustidan gʻalaba qozondi (5:0), chorak finalda shvetsiyalik bokschi Kevin Skotdan ustun keldi (5:0), yarim finalda esa angliyalik Kallum Makinni 4:1 hisobida magʻlubiyatga uchratdi.

Avvalroq Oʻzbekiston terma jamoasi tarkibida Buxoro boks maktabi tarbiyalanuvchisi 2023-yilgi jahon chempionati kumush medali, jahon birinchiligi bronza medali sohibi hamda ikki karra Osiyo chempioni boʻlgan edi.