Oʻzbekistonda 11 ta futbol klubi biznesga boshqaruvga taklif etiladi

Tanlov Oʻzbekiston Prezidentining 2026-yil 24-martdagi sportni moliyalashtirish va tadbirkorlarni jalb qilish chora-tadbirlari toʻgʻrisidagi qarori doirasida oʻtkazilmoqda. Roʻyxatga 11 ta jamoa kiritilgan: «Bunyodkor», «Buxoro», «Dinamo», «Qizilqum», «Navbahor», «Nasaf», «Neftchi», «Lokomotiv», «Mashʼal», OKMK (AGMK) va «Paxtakor». Saralashda tegishli klubning yillik xarajatlarining kamida 20 foizini qoplashga tayyor boʻlgan tadbirkorlar yoki investorlar guruhlari ishtirok etishlari mumkin.

Investorlar uchun soliq imtiyozlari koʻzda tutilgan: yuridik shaxsning foyda soligʻi bazasini klubga yoʻnaltirilgan homiylik oʻtkazmalari miqdoriga, biroq 10 foizdan oshmagan holda kamaytirishga ruxsat etiladi. Bunday klublar futbolchilari jismoniy shaxslardan olinadigan daromad soligʻini toʻlashdan ozod qilinadi, ular uchun ijtimoiy soliq esa 1 foizni tashkil etadi. Shuningdek, tadbirkorlar MTRK telekanallarida sport efirlari vaqtida reklama uchun 50 foizlik chegirmaga ega boʻladilar.

Bundan tashqari, banklar klublarni sotib olish, shuningdek, sport obyektlarida qurilish va taʼmirlash ishlarini moliyalashtirish uchun bir yillik imtiyozli davr bilan besh yilga yillik 14 foiz stavkada kredit ajratishlari mumkin boʻladi. Likvid garov va biznes-rejaning mavjudligi majburiy shart hisoblanadi, bunda klubning binolari va yeridan taʼminot sifatida foydalanish taqiqlanadi.