OAV: «Manchester Siti» APLdagi 114 ta ayblov boʻyicha aybdor deb topildi

Nashr manbalarining maʼlumotlariga koʻra, hozircha klubga nisbatan sanksiyalar belgilanmagan, turli variantlar koʻrib chiqilmoqda, shu bilan birga jamoa tomonidan apellyatsiya berilishi kutilmoqda. Klub surishtiruv davom etayotgani va qatʼiy maxfiy xarakterga ega ekanini, «Manchester Siti»ning pozitsiyasi esa oʻzgarishsiz qolayotganini bildirdi: jamoa ilgari surilgan daʼvolarni rad etadi.

Tekshiruv 2018-yilda boshlangan boʻlib, Premyer-liga ayblovlarni 2023-yilning fevral oyida eʼlon qilgan edi. Ular notoʻgʻri moliyaviy hisobotlarni taqdim etish, 2009-yildan 2013-yilgacha Roberto Manchini ishlagan davrda murabbiylarga toʻlovlarni toʻliq oshkor qilmaslik, 2013–2018-yillarda fair play va moliyaviy barqarorlik talablariga rioya qilmaslik, shuningdek, tekshiruvchi organlar bilan hamkorlik qilishdan bosh tortish bilan bogʻliq boʻlgan.

Turnir reglamenti jarimalar, ochkolarni olib tashlash va oʻta choralar sifatida turnirdan chetlashtirishni koʻzda tutadi. Hozircha aniq intizomiy choralar eʼlon qilinmagan.