Oʻzbekistonda maʼmuriy sudlar vakolatlarini kengaytirish taklif etildi

Taqdim etilgan tashabbuslarga koʻra, amaldagi bitta turdagi daʼvo arizasi oʻrniga toʻrt turdagi daʼvo arizasini kiritish, shuningdek, belgilangan olti oylik ariza berish muddatini qayta koʻrib chiqish rejalashtirilmoqda. Fuqarolarga davlat organi tomonidan qonunchilik buzilganligini tan olish toʻgʻrisida vaqt cheklovisiz daʼvo arizasi berish imkoniyatini taqdim etish taklif qilinmoqda.

Bundan tashqari, fuqarolarning huquqlari buzilgan taqdirda, ularga mahalliy davlat hokimiyati organlarining hujjatlari ustidan toʻgʻridan-toʻgʻri sudga shikoyat qilishlariga ruxsat berish koʻzda tutilgan. Shuningdek, maʼmuriy sudlarga biznes va fuqarolarga nisbatan taʼsir choralarini qoʻllashda mansabdor shaxslarning ixtiyoriy (diskretsion) vakolatlarini qoʻllashi qonuniyligi va asosliligini tekshirish huquqini berish taklif etilmoqda.

Sud qarorlari ijrosi boʻyicha quyidagi chora nazarda tutilmoqda: agar mansabdor shaxs jarima qoʻllanilganidan keyin ham hukmni yana bajarmasa, sud prokurorga bildirishnoma yuboradi. Davlat rahbari taqdim etilgan tashabbuslarni qoʻllab-quvvatladi.

Hisobot maʼlumotlariga koʻra, 2017-yil 1-iyuldan buyon mamlakat maʼmuriy sudlari tomonidan 150 mingga yaqin ish koʻrib chiqilgan, davlat organlarining 70 mingdan ortiq qarori bekor qilingan va 27 mingga yaqin xususiy ajrim chiqarilgan.