AQSH apellyatsiya sudi Green Card DV-2027 lotereyasi ishga tushirilishini toʻxtatib qoʻydi

Davlat departamentiga arizalarni qabul qilishni ushbu sanagacha boshlash majburiyatini 14-oktabr kuni Kaliforniya Janubiy okrugi federal sudi yuklagan edi. Daʼvoni roʻyxatga olishni muddatidan oldin boshlashga uringan Red Eagle Law yuridik firmasi kiritgan. Prezident Donald Tramp maʼmuriyati ushbu hukm ustidan shikoyat qildi va apellyatsiya instansiyasi sudyalar hayʼati uning amal qilishini nomaʼlum muddatga toʻxtatdi.

Hayʼat qarorida Red Eagle Law firmasining daʼvo arizasi uchun yetarli huquqiy asoslari boʻlmagani, uning moliyaviy manfaatlari esa dastur bilan yetarlicha bogʻliq emasligi koʻrsatilgan. Sudyalarning fikricha, lotereya «yuridik firmalarni daromad bilan taʼminlash uchun emas, balki immigratsiyani qoʻllab-quvvatlash uchun yoʻlga qoʻyilgan». Firmaning asoschisi va rahbari Kyortis Morrison sudlashishni davom ettirish niyatida ekanini maʼlum qildi. Hozirda kompaniya Oq uyga qarshi daʼvogar boʻlishga rozi boʻladigan, AQSHda noimmigratsion vizalar bilan yashayotgan xorijliklarni qidirmoqda.

DV-2027 dasturi bekor qilinmagan, biroq uning boshlanish vaqti sud jarayonining keyingi borishiga bogʻliq boʻladi. «Turfa xillik vizalari» oʻyini 1990-yildan beri mavjud boʻlib, Davlat departamenti har yili 50 mingta grin-karta oʻynagan. 2025-yilda lotereya Trampning koʻrsatmasiga binoan toʻxtatilgan edi.

Podrobno.uz yozishicha, mutaxassislar roʻyxatdan oʻtish toʻgʻrisidagi maʼlumotlarni faqat Davlat departamentining travel.state.gov rasmiy sayti orqali tekshirishni hamda vositachilarga va rasmiy eʼlongacha anketalarni qabul qilish boshlangani haqidagi xabarlarga ishonmaslikni tavsiya qilmoqda.