Google shaxsiy sunʼiy intellekt ilovalarini Google Playʼda eʼlon qilmasdan ishga tushirishga ruxsat berdi

Ilovalar matnli tavsif asosida Google AI Studio platformasi yordamida yaratiladi, ularni ishga tushirish uchun esa standart Google akkauntidan foydalaniladi. TechCrunch xabariga koʻra, bunday dasturlar toʻliq shaxsiy boʻlib qoladi: ular Google Play katalogida hamda qidiruv natijalarida koʻrinmaydi va faqat muallif uchun ochiq boʻladi. Shu bilan birga, yaratilgan dasturiy taʼminotga nisbatan Google Play platformasining amaldagi qoidalari tatbiq etilishi davom etadi.

Dastlabki bosqichda funksiya AQShdagi voyaga yetgan foydalanuvchilar uchun mavjud. Ushbu yangilikka qadar ishlab chiqilgan dasturni doʻkon orqali ishga tushirish uni Google Playʼning qariyb 3 mlrd kishidan iborat barcha auditoriyasi uchun eʼlon qilishni talab qilar edi, shu sababli yaratuvchilar koʻpincha veb-ilovalarni tanlashardi.

Kompaniya bayonotiga koʻra, yaqin oylarda yaratilgan dasturlarni cheklangan ishonchli shaxslar doirasi bilan ulashish imkoniyati paydo boʻladi. Katalogda ommaviy tarzda eʼlon qilish esa xavfsizlik tekshiruvlaridan oʻtgandan soʻng mumkin boʻladi.