Sony Yaponiya bozori uchun PlayStation 5 ning qora versiyasini taqdim etdi

Yangi versiyadagi konsol savdosi 2026-yil 19-noyabrda 55 000 iyen (taxminan 347–350 dollar) narxda boshlanadi. Undan foydalanish uchun Yaponiya mintaqasidagi PlayStation Network hisob qaydnomasi talab qilinadi, interfeys esa faqat yapon tilini qoʻllab-quvvatlaydi. Texnik jihatdan model standart PS5 Digital Edition’dan farq qilmaydi va 825 Gbayt hajmli SSD-toʻplagich bilan jihozlangan.

Konsol bilan bir vaqtda, 19-noyabr kuni mos Midnight Black rangidagi tashqi disk yuritkich ham 11 980 iyen (taxminan 75–76 dollar) narxda sotuvga chiqadi, bu esa raqamli versiyada jismoniy tashuvchilardan foydalanish imkonini beradi.

Bundan tashqari, PlayStation’ning yapon saytidagi xabarda kompaniya disklardan voz kechish yoʻnalishini tasdiqladi: platformaning 2028-yil yanvaridan boshlab chiqadigan yangi oʻyinlarini faqat raqamli formatda chiqarish rejalashtirilmoqda, bunda avval chiqarilgan disk versiyalari ishlashda davom etadi.