Apple HomeView smart-displeyi va yangi Apple TV 4K pristavkasini taqdim etdi

HomeView smart-displeyi yorqinligi 0,3 dan 500 nitgacha sozlanadigan va True Tone funksiyasini qoʻllab-quvvatlaydigan 7 dyuymli Liquid Retina ekranga ega boʻldi. Qurilmaning alyuminiy korpusi gumbazsimon akustik tizim bilan zanglamaydigan poʻlatdan yasalgan sharnir orqali ulangan, shuningdek, devorga oʻrnatiladigan versiyasi ham ishlab chiqilgan. Qurilma yuzlarni taniydi, insongacha boʻlgan masofaga qarab interfeysni oʻzgartiradi, FaceTime videoqoʻngʻiroqlarini va Apple Intelligence platformasi funksiyalarini qoʻllab-quvvatlaydi. Yangi mahsulot 2026-yil 13-noyabrda toʻrtta rangda: kumushrang, toʻq kulrang, pushti va och tillarangda 300 dollar narxida sotuvga chiqariladi.

Yangilangan Apple TV 4K pristavkasi A19 protsessoriga asoslangan boʻlib, Apple maʼlumotlariga koʻra, u protsessor qismida avvalgisidan 50% gacha, grafika boʻyicha esa ikki baravargacha tezroq ishlaydi. Qurilma pultsizm ovozli yordamchini chaqirish uchun uchta uzoq masofali mikrofonga, apparat darajasidagi AV1 dekoderiga va "Lokatоr" tizimi orqali qidirish uchun ovozli signalli yangilangan Siri Remote pultiga ega boʻldi. Pristavka, shuningdek, toʻrttagacha ikkinchi avlod HomePod yoki HomePod mini 2 karnaylarini fazoviy audio tizimiga birlashtirishni qoʻllab-quvvatlaydi.

Apple TV 4K sotuvlari ham 13-noyabrda AQSH va yana 29 ta mamlakatda 299 dollar narxida boshlanadi. Dastlabki bosqichda Siri AI funksiyasi faqat ingliz tilida tvOS 27.2 operatsion tizimining beta-versiyasi tarkibida taqdim etiladi.