AQSHda Xbox va PlayStation konsollari savdosi koʻp yillik eng past darajaga tushdi

Circana chakana savdo monitoringi maʼlumotlariga koʻra, jismoniy hisobda Xbox prisyavkasi savdosining pasayishi barcha kuzatuvlar tarixidagi eng past natija boʻldi. PlayStation uchun esa bu 2013-yildan beri eng yomon koʻrsatkichdir.

AQSHda 2026-yilning yanvaridan avgustigacha yangi Xbox konsolini sotib olishning oʻrtacha amaldagi narxi 529 dollarni tashkil etib, oʻtgan yilga nisbatan 26% ga oshdi. PlayStation'ning oʻrtacha qiymati esa 20% ga oʻsib, 597 dollarga yetdi. Tahlilchilarning maʼlumotiga koʻra, har ikki koʻrsatkich ham Amerika prisyavkalar bozori uchun rekord darajaga aylandi.

Circana katta direktori va tahlilchisi Met Piskatella isteʼmolchilarning narxga nisbatan taʼsirchanligi soha uchun jiddiy toʻsiqqa aylanganini, AQSH apparat bozori esa 1980-yillar boshidan beri bunday zaif holatda boʻlmaganini taʼkidladi. Bozor ishtirokchilari qurilmalar qimmatlashishining sabablaridan biri sifatida sunʼiy intellekt boʻyicha maʼlumotlarni qayta ishlash markazlari bilan raqobat tufayli xotira va maʼlumotlarni saqlash komponentlari narxining oʻsishini aytmoqda.