Atari va Retro Games 800XL kompyuterining yangilangan versiyasini taqdim etdi

Qurilmani ishlab chiqarish bilan Plaion kompaniyasi shugʻullanadi. Model toʻliq oʻlchamli mexanik klaviatura, oʻrnatilgan Atari BASIC dasturlash tili va original kartrijlar uchun slotni saqlab qolgan. Kompyuter 8-bitli Atari 400, 800, XL va XE tizimlari, shuningdek, Atari 5200 konsoli uchun moʻljallangan dasturlar bilan mos keladi. Bundan tashqari, dasturiy taʼminotni USB-tashuvchilardan yuklash qoʻllab-quvvatlanadi.

Yangi qurilma xotirasiga 25 ta oʻyin, jumladan Asteroids, Berzerk, Centipede va Missile Command oʻrnatilgan, analog kontroller ulanganda esa yana ikkita qoʻshimcha oʻyin ochiladi. Oʻyin jarayoni uchun zamonaviy funksiyalar: toʻrtta saqlash sloti va vaqtni orqaga qaytarish imkoniyati qoʻshilgan. Zamonaviy displeylarga ulanish uchun 4:3 rejimi va tasvir filtrlari qoʻllab-quvvatlanadigan HDMI porti, shuningdek, toʻrtta USB-A porti koʻzda tutilgan.

Yetkazib berish toʻplamiga qoʻshimcha tugmalarga ega modernizatsiya qilingan joystik kiradi. Kompyuter 220 dollar (3DNews maʼlumotlariga koʻra — 246,60 dollar) narxida oldindan buyurtma berish uchun mavjud, yetkazib berish boshlanishi esa 2027-yil 23-aprelga rejalashtirilgan.