Google sunʼiy intellekt yordamida oʻyinlar yaratish uchun Playground xizmatini ishga tushirdi

Xizmat muloqot interfeysi orqali ishlaydi: foydalanuvchi gʻoyani shakllantiradi, shundan soʻng matnli buyruqlar yordamida qoidalar, fizika, qahramonlar va atrof-muhitni sozlashi mumkin. Ishlab chiqish jarayonini noldan yoki tayyor shablonlar asosida olib borish mumkin. Yaratilgan loyihalar toʻgʻridan-toʻgʻri brauzerda ishga tushadi, ularni shaxsiy foydalanish uchun saqlash, havola orqali yuborish yoki Playground Explore umumiy galereyasida eʼlon qilish mumkin. Bir qator janrlar uchun koʻp foydalanuvchili rejim va peshqadamlar jadvali koʻzda tutilgan.

Platforma ixtisoslashtirilgan oʻyin generatsiyasi tizimi bilan toʻldirilgan Google Gemini, Nano Banana va Lyria modellari asosida ishlaydi. Playground’dan asosiy foydalanish bepul taqdim etiladi, Google One obunachilari uchun esa kengaytirilgan haftalik token limitlari koʻzda tutilgan.

Hozirgi bosqichda veb-xizmat faqat AQSHdagi voyaga yetgan foydalanuvchilar uchun ochiq. Shu bilan birga, Google va Unity yopiq beta-sinovi yil oxirigacha rejalashtirilgan Unity Spark vositasini eʼlon qildi; kelajakda unda yaratilgan loyihalarni Playground’da eʼlon qilish mumkin boʻladi.