Oʻzbekiston va IAF Samarqandda IAC-2028 oʻtkazilishi boʻyicha hujjat imzoladi

Marosim Antalyada 77-Xalqaro astronavtika kongressi (IAC) doirasida boʻlib oʻtdi, deb xabar berdi “Oʻzkosmos” agentligi va OʻzA milliy axborot agentligi. Hujjatni federatsiya prezidenti Gabriella Arrigo va Oʻzbekiston raqamli texnologiyalar vaziri Sherzod Shermatov imzoladi. Tadbirda, shuningdek, “Oʻzkosmos” agentligi direktori Shuhrat Qodirov va “Sunʼiy intellekt alyansi” NNT rahbari Aziz Muxitdinov (Muxiddinov) ishtirok etdi.

Imzolangan hujjat infratuzilmani yanada tayyorlash va kongress dasturini shakllantirish tartibini belgilaydi. IAC-2028 kongressi Samarqandda 2028-yil 9–13-oktabr kunlari oʻtkazilishi rejalashtirilgan va Markaziy Osiyodagi birinchi shunday forum boʻladi. Samarqandni tanlash toʻgʻrisidagi qaror 2025-yil oktabr oyida Sidneyda IAF Bosh assambleyasi tomonidan tasdiqlangan edi.

Bundan tashqari, 6-oktabr kuni Antaliyadagi kongress doirasida Oʻzbekiston, Ozarbayjon, Qozogʻiston va Turkiya vakillari Turkiy davlatlar tashkiloti doirasida kosmik sohadagi hamkorlik boʻyicha birinchi bitimni imzoladilar.