Amazon yangi avlod Kindle elektron kitoblarini taqdim etdi

Yangilangan seriyada qurilmalarning korpusi yupqaroq boʻldi, ekran esa old ramka bilan bir sathda bajarilgan. Qatorda alyuminiy korpus panellariga ega modifikatsiyalar paydo boʻldi. Kompaniyaning taʼkidlashicha, yangi modellarda kitoblarni ochish tezligi 30 foizga oshgan. Shuningdek, Yevropa Ittifoqi talablariga rioya qilish maqsadida barcha yangi qurilmalarda foydalanuvchi tomonidan akkumulyatorni mustaqil almashtirish imkoniyati koʻzda tutilgan.

Baza modeli Kindle 6 dyuymli displey va 6 haftagacha avtonom ishlash muddatiga ega boʻldi, 7 dyuymli Paperwhite esa suvdan himoyani saqlab qolgan va bir marta quvvatlanganda 12 haftagacha ishlashni taʼminlaydi. Colorsoft modeli takomillashtirilgan yoritish tizimiga ega rangli ekran bilan jihozlangan. Signature Edition modifikatsiyalarida orqa panelda sahifalarni varoqlash tugmalariga ega magnitli gʻilof va quvvatlash stansiyasini oʻz ichiga olgan firma aksessuarlarini ulash uchun kontakt maydonchalari paydo boʻldi.

Riderlar bilan birga kompaniya sahifalarni simsiz varoqlash uchun Kindle Click Bluetooth pultini ham taqdim etdi. AQShda Kindleʼning baza versiyasi 149,99 dollardan, Paperwhite narxi 199,99 dollardan, Colorsoft esa 289,99 dollardan sotuvga chiqdi.