OpenAI ChatGPT’da kiyimlarni virtual kiyib koʻrish funksiyasini ishga tushirdi

Asbob ishlashi uchun foydalanuvchi selfi va toʻliq boʻy-basti aks etgan suratni yuklashi, shundan soʻng topilgan tovar kartochkasidagi «Kiyib koʻrish» tugmasini bosishi lozim. Chat-bot, shuningdek, boshqa internet-doʻkonlardan foydalanuvchi tomonidan yuklangan skrinshotlar orqali narsalarni kiyib koʻrish yoki uslubning matnli tavsifi boʻyicha garderob tanlash imkonini beradi.

Tasvirlarni yaratish kompaniya tomonidan sentyabr oyida taqdim etilgan ChatGPT Images 2.5 neyrotarmoq modeli asosida amalga oshiriladi. Kiyib koʻrish vositasi bilan birga dasturchilar «Kutubxona» («Saralanganlar») boʻlimini ham qoʻshdilar, unga keyinchalik koʻrish uchun topilgan buyumlarni saqlab qoʻyish mumkin.

OpenAI standart maxfiylik qoidalarini saqlab qoldi: agar akkaunt egasi sozlamalarda bu funksiyani oʻchirib qoʻymagan boʻlsa, foydalanuvchilar yuborgan suratlar odatdagidek algoritmlarni oʻrgatish uchun jalb qilinishi mumkin. Avvalroq bevosita chat ichida ishlab turgan buyurtmalarni bir zumda toʻlash Instant Checkout opsiyasi ayni paytda mavjud emas.