Bükiluvchan iPhone Duo ekranining himoya qatlamini almashtirish imkoniyati koʻzda tutildi

Keyt Berjeronning soʻzlariga koʻra, maxsus mot nanotexturali qoplama diagonali 7,6 dyuymli ichki ekran ustiga joylashtirilgan. U panelni tirnalishlardan himoya qilish, chaqnashlarni kamaytirish va markaziy qismdagi buklanishni vizual ravishda tekislash uchun moʻljallangan. Agar vaqt oʻtishi bilan qatlam eskirsa yoki chiziq sezilarli boʻlib qolsa, qoplamani yechib olib, qaytadan oʻrnatish mumkin boʻladi.

AQShda AppleCare+ xizmat koʻrsatish dasturi egalari uchun qoplamani almashtirish xizmati 19 dollarga tushadi (iXBT.com maʼlumotlariga koʻra — 20 dollar). Sugʻurtasiz amalga oshiriladigan ushbu jarayonning narxi hozircha oshkor qilinmagan. Shuningdek, kompaniya foydalanuvchilar qoplamani mustaqil ravishda almashtira oladimi yoki ushbu amaliyot servis markazlarida bajariladimi, degan savolga aniqlik kiritmagan.

Apple sentabr oyida iPhone Duo modelini eʼlon qildi, qurilmaning bazaviy narxi 1999 dollardan boshlanadi. Oldindan buyurtma berish 16-oktabrga, savdolarning boshlanishi esa 23-oktabrga rejalashtirilgan.